Nis procesi i modernizimit të Universitetit Bujqësor të Tiranës, me marrëveshjen e performancës që nënshkruhet sot me Universitetin BOKU të Vienës.
“Moment historik për universitetin tuaj, një moment jo i shpeshtë kur të marrurit me politikë ka siklete dhe të bën të mendosh ç’mu desh kjo punë, të jep një satisfaksion që pastaj të gjithë të tjerat i bën Allahu.
Përpara tre vitesh kishit një situatë jo të lehtë me rekrutimet e studentëve dhe rektori edhe me një propozim, që ishte një propozim i juaji i përbashkët për Ministrinë e Arsimit dhe atë të Bujqësisë, për të ulur mesataren e hyrjes në Universitetin Bujqësor. Unë isha kundër kësaj ideje sepse nuk më bënte sens që nxënësit po tregonin më pak interes, të ulej mesatarja.
I thash rektorit që duhet të synojmë dhe ta bëjmë Universitetin Bujqësor atraktiv dhe ta bëjmë një destinacion edhe për studentët e rajonit, duke u ndërkombtarizur me një universitet ekselence në rajon. Një universitet që merr atë çfarë do merrje në një universitet në Vjenë.
Rektori nuk më besonte se nuk ia lejonte as partia, por ne u bëmë bashkë. 7 milion euro për fermë, 3 mln për tërmetin, 2 milion euro për godinën. Rreth 16 milion euro të dhëna për Universitetin Bujqësor, pa llogaritur konviktet. Nuk është një program i qeverisë për të mbajtur me hatër një rektor demokrat, është një program për ta transformuarnë një universitet ekselence me ndikim rajonal”,-tha Rama.
