Ish-presidenti amerikan, Donald Trump, do të akuzohet edhe zyrtarisht në një seancë gjyqësore të enjten për komplot për të përmbysur rezultatin e zgjedhjeve të vitit 2020.
Në prag të gjykimit ai e kritikoi çështjen si provë e “korrupsionit, skandalit dhe dështimit” të SHBA nën presidencën e Joe Biden.
Zoti Trump tashmë përballet me dy raste të tjera penale ndërsa ai bën fushatë për Shtëpinë e Bardhë vitin e ardhshëm.
Siguria është duke u rritur në Uashington DC për seancën dëgjimore të së enjtes.
Barriera metalike janë vendosur jashtë gjykatës federale ku do të lexohen zyrtarisht akuzat kundër Trump.
Struktura të ngjashme janë ngritur rreth ndërtesave të Kapitolit të SHBA, ku mbështetësit e Trump u rebeluan në janar 2021, të zemëruar me rezultatin e zgjedhjeve.
Shërbimi Sekret, i cili siguron mbrojtje për presidentët dhe ish-presidentët, lëshoi një deklaratë duke paralajmëruar publikun për “devijimet afatshkurtra të trafikut” në qendër të Uashington DC./Opinion.al
