Të tjera detaje janë bërë të ditura lidhur me krimin e rëndë të ndodhur ditën e djeshme në Vidhishtes në Roskovec, ku vjehërri vrau bashkëjetuesen e djalit dhe më pas veten.
Sipas “News24”, ditën e djeshme mes nuses, Merushe Haziri dhe autorit të krimit, Xhevair Hoxhës ka pasur konfrontim fizik të ashpër.
Mësohet se banorët e lagjes kanë treguar se ata kanë dëgjuar britma dhe ulërima, por nuk kanë ndërhyrë për të parandaluar konfliktin që çoi në një vdekjen e dy njerëzve.
Gjithashtu banorët e zonës kanë thënë për “News 24” se Merushja dhe Fatjoni duheshin dhe për këtë arsye ishin ndarë edhe nga partnerët e tyre respektiv, duke nisur më pas bashkëjetesën. Por dashuria e tyre nuk është pranuar nga familja e Fatjon Hoxhës, duke çuar kështu në vrasjen e Merushes dhe vetëvrasjen e babait të tij.
