Bota

U vra gjatë fushatës elektorale, 700 të ftuar në funeralin e ish-kryeminstrit të Japonisë



Bëhu pjesë e Grupit Zyrtar të Opinion.al
>> KËTU <<
               Publikuar në : 09:58 - 27/09/22 |
Opi Nion

Zëvendëspresidentja e SHBA, Kamala Harris, kryeministri indian, Narendra Modi dhe sekretari i jashtëm britanik, James Cleverly, do të jenë në mesin e personaliteteve të huaja që do të mbërrijnë në Japoni për të marrë pjesë në një funeral shtetëror për ish-kryeministrin e vrarë, Shinzo Abe.

Janë rreth 700 persona që marrin pjesë, duke përfshirë 50 ish-udhëheqës dhe udhëheqës aktualë, që do të jenë sot në Tokio, tre muaj pasi Abe pothuajse tre muaj pasi Abe u qëllua për vdekje gjatë një fjalimi në fushatë.

I dyshuari për të shtënat ndaj Abe më 8 korrik, Tetsuya Yamagami, u ka thënë hetuesve se ai kishte në shënjestër politikanin për shkak të lidhjeve të tij me kishën, anëtarët e së cilës njihen zakonisht si Moonies.

Thuhet se Yamagami tha se kishte një inat prej dy dekadash kundër kishës pasi nëna e tij, anëtare në të, dhuroi një shumë të madhe parash për organizatën dhe falimentoi familjen e tij.

Ish-kryeministri i vrarë  nuk ishte anëtar i kishës, por dërgoi një video-mesazh urimi në një ngjarje të lidhur me kishën vjeshtën e kaluar.

E themeluar në Korenë e Jugut në vitin 1954, kisha u inkurajua të vendoste një prani në Japoni nga gjyshi i Abe dhe kryeministri i pasluftës, Nobusuke Kishi, si një kundërvënie ndaj komunizmit dhe sindikalizmit.

Organizata, e njohur për dasmat e saj masive, është akuzuar se u ka bërë presion besimtarëve që të bëjnë donacione që nuk mund t’i përballojnë – pretendimet që ajo i ka mohuar.

Ndërkaq, The Guardian shkruan se organizatorët kanë planifikuar masa të rrepta sigurie pranë vendit të funeralit të ish-kryeministrit të vrarë, Shinzo Abe.

Rrugët përreth Budokanit do të mbyllen dhe hapësira ajrore do të kufizohet nga e hëna deri të mërkurën. Dhjetëra mijëra oficerë policie, duke përfshirë rreth 2,500 nga jashtë kryeqytetit, janë vendosur dhe qentë nuhatës kanë patrulluar stacionet kryesore hekurudhore dhe aeroportin Haneda ditët e fundit.

Pas