Bota

U shpall fajtor për mashtrim të FBI-së, Trump fal Michael Flynn


Bëhu pjesë e Grupit Zyrtar të Opinion.al
>> KËTU <<
               Publikuar në : 22:36 - 25/11/20 |
Al Do

Presidenti amerikan Donald Trump të mërkurën ka falur ish këshilltarin e tij të sigurisë kombëtare Michael Flynn. Ky i fundit ishte shpallur fajtor për fshehjen e të vërtetës nga FBI gjatë hetimit për ndërhyrjen ruse në zgjedhjet presidenciale 2016.

“E kam për ndër të madh që njoftoj se Gjeneralit Michael T. Flynn i është dhënë një Falje e Plotë. Urime @GenFlynn dhe familjes së tij të mrekullueshme, e di që tani do të keni një Ditë Falenderimesh vërtet fantastike !, ”shkroi Trump në “Twitter”.

Bisedimet sekrete të Flynnit me ambasadorin rus në Uashington në dhjetor të vitit 2016, kanë qenë pikë kyçe e hetimeve për ndërhyrjen e Moskës në zgjedhjet presidenciale të vitit 2016 dhe rreth asaj nëse ka pasur koordinim në mes të fushatës së Trumpit dhe Qeverise ruse në zgjedhje.

Trump pati shkarkuar Flynnin në shkurt të vitit 2017, mirëpo presidenti ka pretenduar se hetimet kanë qenë “gjueti shtrigash”. Flynn, general ushtarak në pension dhe ish-udhëheqës i Agjencisë për Inteligjencë në Mbrojtje, është deklaruar fajtor dy herë se ka gënjyer FBI-në për bisedat që ka pasur me ambasadorin rus në SHBA, gjatë tranzicionit presidencial në fund të vitit 2016 dhe të fillim të vitit pasues.

Ai ka synuar të tërheqë deklaratën e tij, duke thënë se prokurorët i kanë shkelur të drejtat dhe e kanë shtyrë drejt një marrëveshjeje pranimi. Përmes një veprimi befasues, në maj të këtij viti Departamenti amerikan i Drejtësisë ka tërhequr rastin kundër Flynnit, duke thënë se gënjeshtrat e supozuara drejt FBI-së, nuk kanë qenë të rëndësishme.

Ndërkohë, një gjyqtar federal që ka shqyrtuar rastin e Flynnit ka kërkuar hetim më të thellë gjyqësor lidhur me këtë çështje.

 

Pas