Një 41-vjecar shqiptar ka humbur jetën në Itali, pasi u rrëzua aksidentalisht në shkallët e banesës së tij.
I identifikuar si Flogert Rroshi, 41-vjeçari jetonte në Cologna Veneta, në Veneto të Italisë.
Sipas mediave italiane, Rroshi kishte zbritur në katin e poshtëm të shtëpisë së tij për të pirë cigaren e fundit përpara se të shtrihej, siç bënte zakonisht. Më pas u dëgjua një zhurmë që zgjoi bashkëshorten e tij. Duke menduar se kishte rënë një prej orendive të shtëpisë, ajo zbriti poshtë.
Por në fakt gjeti të shoqin në fund të shkallëve pa ndjenja.
Së bashku me familjen ai mori dhjetorin e shkuar nënshtetësinë italiane.
Ai la pas bashkëshorten dhe dy djemtë të moshës 14 dhe 10 vjeç./Opinion.al
