Aktualitet

U rikthye në qeli, avokati i Bllakos: S’ka rol procedurial, rekurs në Gjykatën e Lartë



Bëhu pjesë e Grupit Zyrtar të Opinion.al
>> KËTU <<
               Publikuar në : 13:27 - 09/11/22 |
Opi Nion

Avokati Sokol Azizaj ka dhënë një prononcim për mediat pas vendimit të Gjykatës së Posaçme për ta lënë në burg ish-deputetin socialist Alqi Bllako.

Gjatë fjalës së tij, avokati tha se Gjykata e Apelit nuk ka dhënë asnjë arsyetim në lidhje me vendimin që mori.

Sipas avokatit, Bllako nuk ka asnjë rol procedurial dhe administrative në përpunimin e akteve, ndërsa shtoi se do bëjë rekurs në Gjykatën e Lartë.

“Nuk ka asnjë rol procedurial administrativ në përpunimin e akteve. Nuk ka sinjalizim se po hetohet për inceneratorin e Tiranës. Nuk e di se për cilat arsye, përkundër sjelljeve të Bllakos, që ka lënë mandatin e deputetit, të vendosej kjo masë. Është paraqitur para organeve të drejtësisë. Si mund të prishë provat kur hetimi ndaj kësaj çështje është duke përfunduar. Se mendoj se kishte arsye që gjykata e Posaçme e Apelit të mbante qëndrim ndryshe. E vërteta është se në këtë vend, në këtë gjykatë është kthyer një fabul popullore ; ik se të vrara, dhe zbrit se të vrava. për të njëjtat arsyeje për të njëjtat shkaqe procedurale. Gjykata e Apelit mbajti qëndrim të cilin se ka arsyetuar akoma. Bllako u lirua më herët se nuk përbente rrezik për prishjen e provave. Ajo që nuk kuptoj është se ‘arresti me shtëpi’ dhe ‘arresti në burg’ janë e njëjta gjë. Bllako erdhi vetë në gjykatë se nuk përbën rrezik. Bllako në rastin konkret nën hetim, nuk është person i zgjedhur, referenca ndaj tij është e gabuar. Do bëjmë rekurs në Gjykatën e Lartë”, tha avokati./Opinion.al

Pas