Kronikë

U qëllua me silenciator/ Piroli:Shkova në Spitalin e Lezhës, aty isha i sigurt


Bëhu pjesë e Grupit Zyrtar të Opinion.al
>> KËTU <<
               Publikuar në : 10:43 - 04/01/22 |
Opi Nion

Është ndaluar në Spitalin e Traumës 34-vjeçari Vinçens Piroli, të cilit iu bë atentat mbrëmjen e djeshme në Shkodër, pasi ndaj tij ishte lëshuar një urdhër-arresti ndërkombëtar.

Piroli, i kërkuar nga autoritete për vrasje, ka qenë duke lëvizur në këmbë teksa u qëllua me pistoletë me silenciator në shpatull dhe në bark.

34-vjeçari u qëllua me tre plumba Piroli ka telefonuar familjen e tij dhe iu ka kërkuar që të bëjnë kujdes.

Pas atentatit një i njohuri i 34-vjeçarit ka marrë makinën e kushëririt të Pirolit dhe e ka dërguar në spitalin e Lezhës. Në dëshminë paraprake që ka dhënë për hetuesit, Piroli ka deklaruar se shkoi në Spitalin e Lezhës pasi “aty ndihej i sigurt”.

I plagosur Piroli është dërguar më pas në Spitalin e Traumës në Tiranë, ku dhe ndodhet jashtë rreziku për jetën.

Kush është Vinçens Piroli?

Piroli është një person i shpallur në kërkim ndërkombëtar. Mali i Zi e kishte shpallur person në kërkim pasi Vinçens Piroli së bashku me Dorjan Lalën kanë vrarë malazezin Momçillo Gjurishic.

Në 12 tetor të vitit të shkuar, shefi i sektorit kundër kriminalitet dhe korrupsionit në Malin e Zi, Aleksandar Boshkoviç deklaroi se dy shqiptarët janë të dyshuarit kryesorë për vrasjen e ndodhur më 4 korrik 2021 në Ulqin, pasi janë gjetur prova të mjaftueshme kundrejt tyre”.

Ngjarja dyshohet se lidhet me hakmarrjen. E ndërsa ishte në kërkim ndërkombëtar, Piroli lëvizte lirisht ndërsa mbrëmjen e djeshme u qëllua duke mbetur i plagosur, ndërsa tashmë ndodhet në duart e drejtësisë./Opinion.al

Pas