iPhone X mund të mos jetë në treg për një kohë të gjatë. Një burim nga brenda kompanisë thotë se Apple këtë vit do ta “vrasi” celularin më të fundit që nxorri në treg. iPhone X do të zëvendësohet nga 3 aparatë celularë të rinj. Pra “vdekja” e tij mund të konsiderohet diçka e mirë.
iPhone X u krijua për të përkujtuar 10 vjetorin e produktit. Kjo është edhe arsyeja pse u emërua me shkronjë romake dhe jo me numër normal. Ky aparat është i veçantë në shumë mënyra, por veçantia e saj nuk po e ndihmon të shitet edhe aq mirë.
Ming-Chi Kuo, analisti që i raportoi këto lajme, thotë se kërkesa për iPhone X në Kinë është shumë e ulët. Mesa duket, blerësit janë spektik për dizajnin.
Megjithatë iPhone X nuk do të hiqet menjëherë nga tregu.
Apple do e ndalojë prodhimin e telefonave pasi të dalin në treg tre telefonat e rinj. Kjo do të thotë se pas vjeshte, pajisja që kushton mbi 1000 euro do të fashitet nga vitrinat e dyqaneve të elektonikës.
Sa për telefonat e rinj, priten që të jenë dizajnë pak a shumë të ngjashme me iPhone X. njëri do të jetë model premium, i ngjashëm me atë që është tani në treg por me ndryshime në ekran. Tjetri do të jetë një variant më i madh plus, dhe i treti do të jetë një variant më i lirë dhe me cilësi me të ulët.
Pas iPhone X, Apple do të vazhdojë me emërimin e zakonshëm të celularëve. Kjo do ta bëjë përvjetorin “X” përgjithmonë të veçantë./ Përgatiti: Elena Lika
