-Teknologji

Ja çfarë do të përmbajë përditësimi i fundit i iOS


Bëhu pjesë e Grupit Zyrtar të Opinion.al
>> KËTU <<
               Publikuar në : 21:00 - 24/01/18 |
b.f

Apple sapo lajmëroi se iOS 11.3 është gati. Përditësimi i rradhës është në dispozicion për versionin beta sot dhe për publikun në pranverë.

iOS 11.3 do të ketë opsione të reja. Ajo që bie më shumë në sy është një buton fikje që të lejon të mbyllësh çdo performancë që nuk po funksionon siç duhet. Gjithashtu do të shtohen katër animoji të reja.

Përditësimi i fundit do të japë detaje mbi mirëqenien e baterisë. Kjo dhe butoni i fikjes do të gjenden në seksionin e baterisë te Settings. Mënyra si do të funksionojë ky opsion është ende mister. Edhe pse do të jetë i disponueshëm te publiku, ky tipar nuk është shtuar në variantin beta.

Në uebsajtin e tij, Apple lajmëron se ky buton do të jetë i gatshëm vetëm për iPhone 6, iPhone 6 Plus, iPhone SE, iPhonë 6s, iPhone 6s Plus, iPhone 7 dhe iPhone 7 Plus. Sa për animojit e reja, në përditësimin e rradhës do të kemi mundësinë të shprehemi edhe si dragua, arush, luan dhe kafkë.

Apple Music do të përfshijë edhe videot tashmë, për ata që e kanë pritur.

Do të krijohet një “Bussiness Chat” me të cilën mund të bëhen pagesa, të lihen takime etj. Partnerët e parë do të jenë Discover, Hilton, Lowe’s, dhe Wells Fargo.

Një tjetër tipar i rëndësishëm do të jetë ruajtja e kartelave mjekësore. Kjo do i lejojë përdoruesit të kontrollojnë të dhënat dhe të marrin njoftime për rezultatet e analizave, laboratorëve, mjekimet etj./ Opinion.al

Pas