Një 14-vjeçar nga Korça, i cili ka marrë plagë të rënda në kokë pas një konflikti me disa bashkëmoshatarët, është transportuar drejt spitalit të Traumës në kryeqytet për ndihmë më të specializuar mjekësore.
Ngjarja ndodhi në lagjen nr. 12, në Korçë ku sipas policisë, 14-vjeçari u lëndua rëndë, pas një konflikti të çastit me disa bashkëmoshatarë të tjerë, të cilët kanë goditur 14-vjeçarin me sende të forta.
Pasi ka marrë mjekim në spitalin e Korçës, adoleshenti është transportuar drejt Tiranës në gjendje të rënduar.
Sakaq, policia e Korçës ka shoqëruar disa persona të cilët janë marrë në pyetje në lidhje me ngjarjen.
