Familja e Agata Carbonarës, e cila u godit nga një plumb qorr natën e Vitit të Ri në bulevardin Zogu I në Tiranë kërkojnë transferimin sa më parë të sipërmarrëses 52-vjeçare në Itali.
Mediat italiane shkruajnë se 52-vjeçarja e ka të nevojshme ndërhyrjen kirurgjikale në Itali.
Në një postim në rrjetet sociale vajzat e 52-vjeçares shprehen se po hasin burokraci për ta transferuar në Itali.
Ndër të tjera ato thonë se 52-vjeçarja ka ende plumbin në gjoks.
“Ajo që po përjetojmë është e paimagjinueshme. Sot rrezikojmë të humbasim nënën për shkak të një gjesti të papërgjegjshëm të një të çmenduri, i cili qëlloi në ajër, duke e goditur në mushkëri.
Këto ditë, përveçse luftojmë për jetën e saj, ne jemi të detyruar të përballemi me një burokraci që pengon transferimin për në Itali. Pyesim veten se me çfarë guximi dy patrullat e policisë, duke parë nënën tonë e shpërfillës. E si ka mundësi që ajo ende pret, me një plumb në gjoks.”, shkruajnë ato.
