Kreu i grupit Parlamentar të PD-së, Gazmend Bardhi ka reaguar pas perplasjeve te ndodhura sot mes tij, deputetit Flamur Noka dhe deputetes demokrate Flutura Açka te Komisioni i Medias.
Ai është shprehur se është i keqardhur nga debati me kolegë të opozitës, por thekson se është fakt i njohur që opozita është në një betejë kundër mazhorancës në Kuvend, dhe çdo opozitar duhet të jetë krah tij dhe deputetëve të tjerë demokratë në këtë betejë.
Ai thekson se tentativa për të provokuar me “normalitet të rremë” nuk mund të jetë kurrë strategjia e një opozitari.
Më tej Bardhi hedh akuza ndaj Bashës duke thënë se “keqpërdor për fasadë ndershmërinë e disa zonjave deputete që vazhdojnë të besojnë gënjeshtrat e tij.
“Absolutisht i keqardhur nga debati me kolegë të opozitës! Por, është fakt i njohur që opozita është në një betejë kundër mazhorancës në Kuvend, dhe çdo opozitar duhet të jetë krah nesh në këtë betejë, dhe jo përballë njëlloj si Edi Rama. Tentativa për të provokuar me “normalitet të rremë” i kolegëve të opozitës, nuk mund të jetë kurrë strategjia e një opozitari. Ajo është vetëm strategjia e një të paburri, që vetë rri në shtëpi e kujdeset të shtojë katet në Kulla, ndërkohë që keqpërdor për fasadë të pazareve në kurriz të demokratëve, ndershmërinë e disa zonjave deputete, që vazhdojnë të besojnë gënjeshtrat e tij!”-thotë Bardhi.
