Teksa ka dalë nga ambientet e SPAK në një deklaratë për mediat, ish-kryeministri Sali Berisha u shpreh se kryeministri Rama do të përfundojë në galerat e historisë bashkë me SPAK dhe Gjykatën Speciale.
Ndërsa tha se do të paraqitet në SPAK sa herë të thirret Berisha theksoi se prokurorët nuk kishin asnjë prove kundër tij, ndërsa i cilësoi ata si mjeranë që përsërisnin trillimet e tyre.
Sali Berisha: Unë garantoj opozitën se po ecim të sigurt drejt një fitoreje të pashmangshme dhe Edi Rama do të përfundojë në galerat e historisë, bashkë me grupet e tij të strukturuara kriminale, SKAP, gjykatën speciale etj.
Pyetje: A do të paraqiteni prapë nëse do ju kërkohet?
Sali Berisha: Sa herë të thirrem, edhe një herë zonjë. Sali Berisha ka deklaruar dhe deklaron se do paraqitet për pyetje sa herë të thirret. Nuk mund të ketë asnjë ekuivok në paraqitjen time në prokurori, në gjykatë, sa herë të thirrem.
Pyetje: A kishte prova konkrete zoti Berisha?
Sali Berisha: Prova? Asnjë provë mor. Çfarë provash mor? Kishte mashtrime. Kishte riciklim të mashtrimeve. Mjeranë, që ripërsërisnin trillimet e tyre se ligji thoshin. Kur u tregova ligjin e 2004-ës dhe nenin që detyron shtetin që çdo pronë që nis të propozohet për tjetërsim, t’i jepet të shpronësuarit. Por ata kishin fshehur siç kanë fshehur qindra dokumente të tjera për të montuar piramidën politike të urdhëruar nga Edi Rama.
