Mynyr Koni dhe Dhori Kule, dy profesorët e Universitetit të Tiranës u kërcënuan me jetë nga Emiljano Shullazi. Incidenti i rëndë u bë i ditur nga Sali Berisha. Ka qenë ish-kryeministri i cili doli në një deklaratë të posaçme për mediat dy javë më parë dhe përmendi emrin e Shullazit, si personin që i ka bërë presion Mynyr Konit të terhiqej nga gara për Rektor.
Sot kjo çështje është nën hetim nga prokuroria. Dy persona, Emiljano Shullazi dhe Gilmando Dani janë duke u hetuar ndër të tjera edhe për këtë vepër penale.
Por kjo gjë nuk e ka ndalur Kryeministrin Edi Rama të shkojë në universitet dhe të flasë pikërisht për këtë çështje nën hetim. Ai ka takuar sot drejtuesit e rinj të universiteteve dhe ka falenderuar posaçërisht Mynyr Konin dhe Dhori Kulen.
“Më vjen shumë mirë që ankimimet nga ana e kandidatëve për veprimtari të paligjshme të kandidatëve të tjerë, përjashto incidentin famëkeq kanë qenë zero”, tha Rama, duke vijuar: “Më lejoni që duke përmendur incidentin famëkeq t’i shpreh respekt, qoftë rektorit të sapo zgjedhur Koni, qoftë dekanit Kule sepse nuk u tërhoqën përballë një presioni kriminal tërësisht të papranueshëm, jo për botën universitare, por për jetën shoqërore në tërësi. Ata dhanë një mesazh shumë kuptimplotë me vendosmërinë e tyre për të vazhduar qetësisht garën”, u shpreh kryeministri Rama.
Por vetëm një ditë më parë, ABC News publikoi deklarimin në polici të Dhori Kules. Ai ka thënë para oficerëve gjyqësorë se ditën që është kërcënuar nga vënë në dijeni Kryeministrin, Rama por ky i fundit e kishte përcjellë tek Tahiri.
Kërcënimi nga Shullazi, ja çfarë i premtoi ministri Tahiri, Dhori Kules
