Kronikë

U kapën për herë të dytë në shtëpi bari, 2 shqiptarë dënohen me nga 20 muaj burg


Bëhu pjesë e Grupit Zyrtar të Opinion.al
>> KËTU <<
               Publikuar në : 11:22 - 25/04/22 |
Opi Nion

Dy shtetas shqiptarë janë arrestuar në Britaninë e Madhe pasi u kapën duke u kujdesur për një fermë të madhe kanabisi, ndërsa dy vite më parë ishin prangosur për në njëjtin krim.

Mirush Kula dhe bashkëkombësi i tij shqiptar Sami Lame ishin të pranishëm kur policia bastisi një banesë ku ata zhvilloni aktivitetin kriminal.

Mësohet se Lame u gjet i fshehur në papafingo, ku po dridhej kur policia e ndaloi shkruajnë mediat britanike.

Mësohet se oficerët gjetën 248 bimë kanabisi me një rendiment të mundshëm deri në 21 kilogramë dhe të aftë për të mbledhur nga 70,000 deri në 210,000 £, nëse dilte në tregun e shitjes.

Të dy burrat e pranuan se prodhonin kanabis, ndërsa Lame ka thënë se kishte mbërritur në “shtëpinë e barit”, 5 ditë më parë.

Lame rezulton i dënuar me nëntë muaj burg për prodhim kanabisi nga Gjykata e Nottingham Croën vitin e kaluar dhe është liruar nga qelia në shkurt të këtij viti.

Ndërsa Kula ishte nën hetim për rolin e tij në kujdesin e rritjes së kanabisit, ku policia e gjeti me 122 bimë në nëntor 2020.

36-vjeçari Kula e ka pranuar gjithashtu veprën e fundit penale të prodhimit të kanabisit, ai nuk di të lexojë apo të shkruajë dhe ka qenë në Mbretërinë e Bashkuar në mënyrë të paligjshme për dy vitet e fundit, pasi ka shkuar atje në një përpjekje për të fituar para duke punuar në ndërtim, për të siguruar të ardhura për fëmijët e tij dhe familjen në Shqipëri.

Por pas goditjes nga pandemia, përfundoi duke u përfshirë në aktivitete kriminale.

Gjykatësi Ray Singh tha që të dy kishin luajtur një rol “të rëndësishme” në rritjen e kanabisit, në të dyja rastet përfshirja e tyre për herë të dytë në këtë aktivitet ka bërë që mos t’i shpëtojnë ndëshkimit.

Gjykatësi ka vendosur të dënojë me nga 20 muaj burg të dy shtetasit shqiptarë. Kula do të dëbohet pas lirimit nga burgu, ndërsa Lame do të duhet të presë rezultatin e hetimeve të Home Office për statusin e tij të azilit./Opinion.al

Pas