Një 42-vjeçar shqiptar është arrestuar në Itali, pasi është kapur bashkë me partneren e tij italiane me 1 kg kokainë, 10 mijë euro cash dhe 1 pistoletë.
Pas një hetimi të kryer me shërbime vëzhgimi dhe përndjekjeje, efektivët e policisë kanë ushtruar kontroll brenda një banese që ndodhet pranë qendrës shëndetësore.
Brenda shtëpisë agjentët kanë kapur një çift të fejuarish, shtetasin shqiptar 42 vjeç dhe italiania 21 vjeçare, teksa tentuan të fshihnin një qese me mbi 1 kilogram kokainë dhe një peshore dixhitale precize.
Brenda çantës kishte edhe një pistoletë gjysmë automatike e mbajtur ilegalisht dhe 2 karikatorë të mbushur përkatësisht me 17 fishekë të kalibreve të ndryshëm si dhe një brez elastik për pistoletë dhe karikatorë.
Në momentin e kontrollit, burrit iu sekuestrua një shumë prej 10.840, të gjitha në kartëmonedha të prera të vogla.
Të dy autorët me vendbanim në Pordenone, u arrestuan nga policia.
Mediat italiane shkruajnë se më datë 15 maj u mbajt seanca gjyqësore, ku u vendos masa ‘arrest me burg’ për çiftin./Opinion.al
