Bota

“U helmua nga Kremlini”, Vdekja e ministrit bjellorus:Lukashenko ka frikë për jetën e tij



Bëhu pjesë e Grupit Zyrtar të Opinion.al
>> KËTU <<
               Publikuar në : 18:00 - 28/11/22 |
Opi Nion

Ministri i Jashtëm i Bjellorusisë, Vladimir Makei, dyshohet se u helmua nga Kremlini. Kështu thotë media britanike Daily Mail, e cila flet për raporte të reja të jashtëzakonshme.

Diplomati vdiq papritmas dje mes pretendimeve se ai ishte në kontakt të fshehtë me Perëndimin në lidhje me luftën në Ukrainë dhe parandalimin e përfshirjes së Bjellorusisë në luftë me Rusinë.

Një video në një aeroplan mallrash ushtarak Bjellorusi, javën e kaluar, rreth 1 javë përpara vdekjes së papritur tregon se Makei, 64 vjeç, ishte i shëndetshëm dhe se nuk vuante nga ndonjë sëmundje kronike.

Disa raporte thonë se ai pësoi atak në zemër dhe se vdekja e tij ka ‘tronditur’ presidentin Alexander Lukashenko, i cili tani ka frikë për sigurinë e tij.

Lukashenko ka arritur deri aty sa madje ka zëvendësuar kuzhinierët dhe shërbëtorët e tij, nga frika e vrasjes nga Moska, shkruan Daily Mail.

Ndërsa biznesmeni rus në arrati Leonid Nevzlin, opozitar me Putinin pretendoi se Makei “vdiq si rezultat i helmimit të zhvilluar në një laborator special të FSB”.

Ai citoi burime “të afërta me shërbimet speciale ruse”, duke pohuar: “Pamja klinike në raste të tilla korrespondon me vdekjen nga infarkti ose pushimin e zemrës”./Opinion.al

Pas