Një foshnjë 15-muajsh, me origjinë shqiptare ka humbur jetën mbrëmjen e së martës, në spitalin Bodosakeio në Ptolemaida, Greqi.
Vogëlushi është dërguar me temperaturë të lartë në Klinikën e Pediatrisë në orët e vona të natës, rreth orës 23:00 dhe disa orë më vonë ka ndërruar jetë.
Mediat greke raportojnë se autopsia e kryer në trupin e foshnjës ka përfunduar mëngjesin e sotëm, ndërsa priten rezultatet e analizave histologjike të cilat do të bëhen të ditura brenda ditëve në vijim.
Sipas informacioneve, prindërit e foshnjës e kishin dërguar fëmijën në spital më herët të njëjtën ditë. Megjithatë, nuk u pa e nevojshme të mbetej për vëzhgim. Prindërit e tij më pas zbuluan se foshnja nuk ishte mirë dhe më pas e dërguan përsëri në spital, ku dhe ndërroi jetë./Opinion.al
