Pas dy javësh i humbur, gjendet i pajetë i mbytur në një kanal me ujë 4-vjeçari Klodian Hashimi.
Që prej 17 shkurtit nuk kishte asnjë informacion për vogëlushin. Por, sot 4-vjeçari është gjetur i pajetë pranë banesave sociale në Shkozë.
Ndërkohë, pas verifikimeve, autoritetet kanë konfirmuar se fëmija i gjetur sot i mbytur është 4-vjeçari Klodian Hashimi ./ Opinion.al
Njoftimi i policisë:
Më datë 01.03.2020, rreth orës 12:15, në Shkozë, në një kanal kullues në afrësi të banesave sociale dhe ngjitur me lumin e Lanës është gjetur i dekompozuar fëmija K.H, 4 vjeç, i cili ishte denoncuar nga prindërit si i humbur mbrëmjen e datës 17 shkurt 2020.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes, ku paraprakisht dyshohet se është mbytur aksidentalisht./ Opinion.al
