Lideri i opozitës ka reaguar ashpër ndaj Kryeministrit Edi Rama i cili po rikthen TVSH për biznesin e vogël. Basha i kërkon Kryeministrit të tregojë se sa para u ka dhënë nga buxheti oligargëve të mëdhenj dhe më pas të merret me sipërmarrësit e vegjës.
Reagimi i plotë i Bashës në facebook
Në vend që të kërcënojë sipërmarrësit e vegjël që punojnë sa për të mbajtur gjallë familjet e tyre, Edi Rama duhet t’u bëjë të ditur shqiptarëve sa para u ka dhënë nga buxheti i shtetit oligarkëve këto katër vite: oligarkët e shëndetësisë e të ilaçeve, oligarkët e ndërtimit, oligarkët e koncesioneve, oligarkët e naftës dhe të telekomunikacionit.
Pastaj t’u tregojë shqiptarëve edhe sa taksa kanë paguar këta oligarkë në buxhetin e shtetit.
Por ai nuk i tregon dot këto fakte, sepse ato zbulojnë një të vërtetë kriminale: zhvatjen e pamëshirshme të njerëzve të thjeshtë për pasurimin e Edi Ramës dhe klientëve të tij.
