Turqia ka njoftuar përmes Navtex (frekuenca informative për sigurinë detare) se ditën e hënë do të zhvillojë një stërvitje me armë dhe municione reale në një zonë në jug të Kretës. Sipas udhëzimit për detarët, lëshuar nga Stacioni i Antalias, stërvitja ushtarake do të zhvillohet konkretisht në pjesën juglindore të ishullit.
Vlen të përmendet se një Navtex i ngjashëm u lëshua të premten, për ushtrime stërvitore në zonën midis Rodosit dhe Kastelorizo.
Kjo lëvizje e re nga ana e Ankarasë vjen vetëm disa orë përpara Samitit të Bashkimit Evropian, gjatë të cilit do të ngrihet çështja e Turqisë dhe mundësia e vendosjes së sanksioneve ndaj saj./Opinion.al
