Pas mposhtjes së kombëtares, Turqia ka mposhtur përsëri me 2 gola kombëtaren U21, duke dorëzuar kështu dhe shpresat e Alban Bushit për kualifikimin në Europianin U21
11 minuta lojë i mjaftuan sulmuesit turk, Ilker Yuksel ai i cili vendosi qetësi në “Elbasan Arena” duke shënuar me kokë.
Pas golit kuqezinjtë u “zgjuan” dhe krijuan disa raste të pastra për shënim por portieri turk neutralizoi gjuajtjet e tyre.
Për të ardhur në minutën e 20’ pas goditjes së këndit, Tafa gjendet i pambuluar në shtyllën e dytë, dhe shënon me lehtësi.
Edhe minutat e mbetura të pjesës së parë Shqipëria ishte dominuese por pa mundur të konkretizojë golin e avantazhit.
Në fraksionin e dytë të lojës skuadra shqiptare u shfaq më e lodhur ku aksionet nuk kishin qartësinë e duhur.
Vlen të theksojmë që në minutën e 78’ pas një rrëmuje në zonë, Ozkan e dërgon topin në rrjetën e Dajsinani./ Opinion.al. E.Xh.
