Me një postim në Instagram moderatori Turja Hyska ka lajmëruar se emisioni “Oktapod” që ai drejton nuk do të zhvillohet më.
Hyska falënderon të gjithë të ftuarit që kanë qenë pjesë në emisionin e tij duke u bërë pak nostalgjikë me postimin e një fotoje të parë të emisionit në vitin 2014.
“Kjo foto qenka postimi im i parë në Instagram! Është logo fillestare e ‘Oktapod’, i cili erdhi në tokë në datë 9 prill të vitit 2014 dhe kthehet në det sërish, sot pas mesnate! Për mua ka qenë një eksperiencë interesante që më ka shërbyer shumë! Falenderoj gjithë ata që kanë ardhur të ftuar, ata që na kanë ndjekur dhe stafin tim të ngushtë! Tani e tutje bëni, ç ‘bëni gjatë ditës, natën nuk do e kaloni më me mua! R.I.P Oktapod… 9prill 2014 – 16 Mars 2018.”, shkruan Turjan Hyska në postimin e tij në Instagram.
Por pas postimit të tij ka ardhur edhe komenti epik i bashkëshortes Orinda Hutës, e cila i shkruan: “Ta la uratën”; se ku do e shohim Turin tani e tutje kjo ende nuk dihet./Opinion.al
