Simona Scacheri është një vajzë italiane, e cila ka mbetur e mahnitur nga udhëtimi i saj në Shqipëri dhe ka hedhur në blogun e saj impresionet mbi këtë vend, që siç thotë ajo, “është vërtetë një mrekulli”.
“Keni qenë ndonjëherë në Shqipëri? A e keni parë me sytë tuaj këtë vend? Keni folur ndonjëherë me shqiptarët? E keni provuar ushqimin e tyre? Keni fjetur në shtëpitë e tyre? Keni luajtur me fëmijët e tyre? Nëse përgjigjia është jo, po ju them disa gjëra se si duhet të përgatiteni.
Je në Shqipëri, ja çfarë nuk mund të bësh…
1. Nuk mund të flasësh anglisht, sepse të gjithë flasin italisht. Edhe të rinjtë që dinë më mrië anglisht sforcohen për të folur në italisht, vetëm që të të bëjnë të ndihesh si në shtëpinë tënde.
2. Nuk mund të habitesh me mirësjelljen e tyre, janë vërtetë të tillë.
3. Nuk mund të refuzosh ndihmën që të ofrojnë, dhe as kafen. Sepse u mbetet hatri, fiks si italianëve të jugut.
4. Mos u besoni gazetave. Duhet ta pranoni se gjithçka keni lexuar për Shqipërinë nga vitit ’90 deri sot, janë budallallëqe.
5. Nuk mund të mbash dietë. Ata hanë shumë mirë. Kur të shërbejnë bukën e sapo bërë në shtëpi emocionohesh vetëm kur i ndjen aromën, të mos flasim pastaj për shijen. Kur provova byrekun u mallëngjeva?!
6. Turisti në Shqipëri është vërtetë i mirëpritur.
7. Do habiteni kur të hani byrek, sallatë, kos, mish me garniturë, madje edhe pije, për vetëm 4 ose 5 euro.
8. Niveli i shërbimit është i lartë. Nuk arrin ta kuptosh se si mund të marrësh kaq shumë shërbime me pak euro.
9. Nuk mund të heshtësh, duhet t’ia thuash të gjithëve, Shqipëria është një mrekulli.
10. Shqipëria është një ndër vendet më solare dhe tërheqëse në Europë.
11. Je në Shqipëri? Nuk ke çfarë bën, është kaq e lehtë të dashurohesh me këtë vend.
Linku i lajmit ne origjinal:
