-Teknologji

Turizmi pas koronavirusit, realitet virtual dhe robotë


Bëhu pjesë e Grupit Zyrtar të Opinion.al
>> KËTU <<
               Publikuar në : 14:31 - 01/05/20 |
el ida

Alarice, një agjenci e mediave sociale në Kinë, mbajti një seminar online ku përshkruhej gjendja e industrisë , tendencat e mundshme për rimëkëmbjen e turizmit dhe strategjitë për të tërhequr turistët në vitin e ardhshëm.

Ndërsa perspektivat për udhëtime të largëta përgjatë vitit 2020 mbetet e zymtë, ka hapa për të tërhequr turistët, kur të fillojë rikthimi. Së pari, jini transparent në lidhje me masat higjienike që organizata juaj po miraton. Së dyti, përqafoni digjitalizimin. Së treti, synoni udhëtarët e pavarur të lirë.

Këtu janë katër strategji kryesore:

Paketa udhëtimi me kthim parash të garantuar

Nga ofruesit e shërbimeve të udhëtimit në internet deri tek zinxhirët e hoteleve dhe destinacionet kryesore turistike, industria e turizmit në Kinë po përqafon produktet e para shitjes me garanci për kthimin e parave.

Në këto kohë të vështira, paketat online inkurajojnë furnitorët turistikë të jenë transparentë rreth masave të higjienës dhe të ofrojnë siguri financiare për udhëtarët. Blerjet në grupe dhe blerjet personale bëhen online.

Megjithë rritjen e të ardhurave me 30 %, Sylvie Xie nga Alarice u shpreh se: ‘Ju duhet të kuptoni se arsyeja pse klientët janë të gatshëm të blejnë paketat e para-shitjes, është sepse ata janë në gjendje të ç’abonohen dhe të marrin rimbursime në çdo kohë’.

Transmetimet e drejtpërdrejta dhe realiteti virtual

Kryetari ekzekutiv i Ctrip në Kinë, Liang Jianzhang, bëri një video të drejtëpërdrejtë nga Atlantis Hotel në Sanya, provinca e Hainan. Dhoma ku po qëndronte ndodhej nën ujë dhe është një nga më të shtrenjtat në Kinë, që shkojnë përtej mundësive të shumicës së shikuesve.

Paketat turistike që ai po njoftonte, megjithatë nuk ishin jashtë mundësive të tyre. Brenda një ore, Ctrip kishte shitur 10 milion paketa turistike. Nisma u arrit në partneritet me platformën me video të shkurtër TikTok, që gjithashtu ka mbështetur përpjekjet e ngjashme në destinacione kulturore si Qyteti i Ndaluar i Pekinit dhe Muzeu Zhejiang i Hangzhou.

Higjiena është një përparësi kryesore

Në të ardhmen e afërt, shëndeti dhe siguria do të jenë përparësitë kryesore për udhëtarët. Kur bëhet fjalë për hotele dhe destinacione, udhëtarët duan të dinë se çfarë masash janë duke u zbatuar përpara se të bëjnë rezervime.

Në Kinë, përtej përcaktimit të masave të pastërtisë, hotelet po ndërmarrin hapa inovativë për të garantuar sigurinë e punonjësve dhe të ftuarve. Kjo përfshin sisteme pa kontakt check in/out dhe përdorimin e robotëve të aftë për të ofruar shërbime thelbësore.

Wendy Chen i Alarice u shpreh gjatë seminarit online: ‘Përdoruesit mund të kontrollojnë masat anti-epidemike të hoteleve. Gjithashtu, hotelet e kualifikuar do të kenë një shenjë specifike në faqen e tyre [për të treguar nivelet e higjienes]’.

Kalimi nga grupe turistësh në udhëtime të pavarura

Në vitin 2017, udhëtimi në grup përbënte 70% të tregut kinez. Deri në vitin 2019, kjo kishte rënë në 55 % , një prirje në rënie që koronavirusi ka të ngjarë të përshpejtojë. Udhëtarët më të vjetër, ata të lindur në vitet 1960 dhe 1970, nuk kanë gjasa të bëjnë plane të ndryshme udhëtimi, ndërsa brezat e rinj, tashmë të tërhequr tej mase drejt udhëtimeve të pavarura, ka të ngjarë të bëhen forca mbizotëruese e tregut.

Pas