Policia ka dhënë informacion zyrtar lidhur me humbjen e jetës së turistes gjermane në Përmet.
Sipas policisë, rreth orës 18:25, shtetasi gjerman F. Ë., 72 vjeç dhe bashkëshortja e tij, shtetasja gjermane A. S., 66 vjeçe, kanë qenë duke lëvizur me këmbë në kanionin e Langaricës.
Por, për shkak të prurjeve të mëdha të ujit, 66-vjeçaren e ka marrë rrjedha dhe për pasojë është mbytur, ndërsa bashkëshorti i saj ka mundur të dalë në breg.
Shërbimet e Policisë dhe ata të zjarrfikëses kanë nxjerrë nga uji trupin e pajetë të shtetases A. S. Në vendngjarje ndodhet grupi hetimor, i cili po punon për sqarimin e rrethanave të ngjarjes.
