Dorëheqja e Elvis Rroshit nga posti i kryetarit të Bashkisë së Kavajës nuk është pritur mirë nga socialistët e këtij qyteti.
Rroshi njoftoi sot dorëheqjen për shkak se kishte mësuar së fundmi se ishte dënuar në Itali në moshën 16-vjeçare, vendim gjyqësor për të cilin nuk kishte dijeni. Pas kësaj deklarate të tij, reagoi Kryeministri Edi Rama dhe deputetja e PS Blerina Gjylameti.
Megjithatë, Partia Socialiste e degës së Kavajës ka organizuar një tubim sot në orën 19:00 në mbështetje të Elvis Rroshit. Lajmi është bërë i ditur nga vet kreu i PS në Kavajë, Gentian Daja.
“Sot ne oren 19.00, para Bashkise Kavaje, do dalim te gjithe sebashku ne mbeshtetje te mikut tone te perbashket, Elvis Rroshit, personit qe i dha Kavajes fytyre te re, gjalleroi qytetin, ndryshoi mentalitetin e institucionit dhe kerkoi pafundesisht mbeshtetjen e qeverise per vendin e tij. Gjithsecili eshte i ftuar te jete sebashku me ne ne kete moment qe nuk eshte fundi, por fillimi i rruges sonë”, shkruan Daja në Facebook.
