Të paktën 168 kanë vdekur dhe 745 janë plagosur si pasojë e një tsunami në Indonezi. Tsunami mendohet të jetë shkaktuar nga një vullkan i njohur si “i biri” i Kratatoa-s. Ndërkohë me dhjetëra të tjerë raportohen të zhdukur, sipas zëdhënësit të Agjencisë për Menaxhimin e Katastrofave Indoneziane. Qindra ndërtesa janë shkatërruar nga një dallgë 20 metër e lartë, e cila goditi brigjet e Sumatra-s jugore dhe pjesën perëndimore të Java-s rreth orës 9:03 të shtunën, në 22 dhjetor.
Autoritetet shprehen se tsunami mund të jetë shkaktuar nga një dallgë jo normale që erdhi si pasojë e hënës së re. Rrëshqitjet e dheut brenda në det dhe shpërthimi i vullkanit Anak Krakatoa kontribuan gjithashtu. Anak Krakatoa është një nga 127 vullkanet aktive përgjatë arkipelagut, i cili formon një ishull të vogël nës Java-s dhe Sumatra-s.
Imazhet tregojnë dëmet shkatërruese që shkaktoi dallga aty ku po luante një bande rroku. Kitaristi humbi jetën së bashku me menaxherin. 4 pjestarë të tjerë të grupit janë mes 80 të humburve në tragjedi.
Autoritetet vendase kanë paralajmëruar se numri i viktimave mund të rritet. Ata po vazhdojnë të kërkojnë nën gërmadha për të gjetur personat që rezultojnë të zhdukur. Në vendngjarje po ndihmojnë edhe pjesëtarë të Kryqit të Kuq.
Një video amatore që po bën xhiron e botës ka filmuar momentin kur dallga godet skenën ku po luante banda e rrokut. Në video dëgjohen të bërtiturat e qytetarëve që përpiqen të largohen për të shpëtuar nga dallgët./Opinion.al
