Arabia Saudite po dërgon trupa në bazën Amerikane të Inçirlik në Turqi. Këtë e ka konfirmuar ministri i jashtëm Turk, Mevlut Cavusoglu. Ai shtoi se, Turqia dhe Arabia Saudite kanë konsideruar prej kohësh një ndërhyrje ushtarake nga toka në Siri, për të mundur ISIS. Ekspertët thonë se këto levizje po e bejnë të pamundur kërkesën e BE për një armpushim, dhe se do ta bëj këtë konflikt akoma më të dhunshëm. Ministri I jashtëm Saudit tha se, ndërhyrja e Rusëve nuk do ta ndihmojë më Assadin, dhe se “nuk do të ketë më Assad në të ardhmen”. Ndërsa ministri i jashtëm Rus, në një intervistë për gazetën Handelsblatt tha se, Amerikanët dhe Arabët duhet ta mendojnë mire nëse duan një luftë konstante, dhe se levizjet e trupave Saudite mund të ndezin edhe një luftë botërore.
Kremlini vazhdimisht ka deklaruar se po bombardon “terroristët”, ndërsa Kombet e Bashkuara kanë treguar fakte se Rusia po bombardon civilë dhe zonat e rebelëve kundër Assadit. Ndërhyrja e Rusisë në Siri është e mbështetur nga Irani, që ka pranuar dërgimin e armatimeve dhe trainimin e Ushtrisë Siriane. Nga ana tjetër Rusët thonë se lëvizja e trupave Saudite ska të bëjë me luftën kunër ISIS por me faktin se rebelët Sunni (që mbështeten nga Hezbollah dhe Irani) po humbasin terren kundrejt trupave të Assadit.
