Presidenti amerikan Donald Trump, u shpreh të shtunën se një takim me Korenë e Veriut mund të ndodhë gjatë tri apo katër javëve të ardhshme.
“Unë mendoj se ne do të kemi një takim gjatë tri apo katër javëve të ardhshme,” tha Trump gjatë një fushate në Michigan. “Do të jetë një takim shumë i rëndësishëm lidhur me denuklearizimin e gadishullit të Koresë”.
“Por do të shohim se si do të shkojë”, tha ai.
Ende nuk ka një datë për takimin, ndërsa kanë nisur tashmë edhe spekulimet për vendin duke akuduar edhe për Singaporin, Mongolinë apo edhe Korenë e Jugut.
Mike Pompeo, Sekretari i ri i Shtetit është shprehur se Kim ka përgatitur një hartë e cila do t’i ndihmojë të arrijnë denuklearizimin.
Pompeo e përshkroi takimin e tij me Kim gjatë fundjavës së pashkës si një diskutim të mirë, ndërsa shtoi se lideri Koreano- verior ishte i përgatitur mirë.
