Të mërkurën pasdite Trump mbajti një konferencë për shtyp. Gjatë momentit të pyetjeve dhe përgjigjeve me gazetarët, ai pati një përplasje me korrespondentin e CNN për Shtëpinë e Bardhë. Përpara se të bënte pyetjen e tij, Jim Acosta e pyeti presidentin nëse pas tij do të thërriste ndonjë reportere femër.
“Nëse nuk të vjen keq, pasi të mbaroj unë… po të therrasësh ndonjë nga koleget femra do të ishte shumë mirë,” tha Acosta. Deri në atë pikë të konferencës, Trump kishte pranuar pyetje vetëm nga reporterë meshkuj.
“Çfarë do të thuash me këtë? Shpjegoje,” kërkoi Trump.
“Mendoj që do të ishte mirë nëse do të lije edhe ndonjë reportere femër të të bënte pyetje për çështjen,” tha Jim Acosta duke iu referuar akuzave kundër Brett Kavanaugh në Supreme Court.
“Nuk do më vinte keq. Për mua nuk ka ndyshim,” tha Trump.
Trump gets momentarily flustered when @Acosta asks that he call on a woman reporter for his next question. pic.twitter.com/tV8ZDFmcoe
— Marcus Gilmer (@marcusgilmer) September 26, 2018
Acosta më pas vijoi me pyetjen e tij. Ai e pyeti Trump pse qëndron gjithmonë në anën e të akuzuarit, dhe jo të akuzuesit. “A është kjo për shkak se ndër vite edhe ju jeni akuzuar shpesh,” pyet korrespondenti i CNN.
Trump iu përgjigj me fjali të shkurtra. Ai tha se edhe femrat mund të akuzohen për ngacmim seksual. Presidenti i SHBA më pas thirri një reportere femër pas Acostës. Hallie Jackson nga NBC i bëri Trump-it një seri pyetjesh. Ai më pas filloi ta tallë për faktin që ajo bën shumë pyetje.
Konferenca e djeshme u mbajt përpara dëshmisë së Dr. Christine Blasey Ford. Ajo e ka akuzuar më parë Kanavaugh për abuzim seksual . Dr. Ford është njëra nga tre gratë që e kanë akuzuar Kanavaugh për ngacmim./Opinion.al
