Depresioni i shtatzënisë është shumë më i zakonshëm sot sesa 25 vjet më parë. Ky është përfundimi në të cilin ka arritur një studim britanik, i botuar në “JAMA Network Open”. Autorja kryesore e studimit është Rebecca Pearson (Universiteti i Bristolit, Britani e Madhe).
“Të dhënat tona tregojnë se rreziku i depresionit në shtatzëni është 51% më i zakonshëm në brezin e tanishëm të grave shtatzëna në krahasim me atë të mëparshmin. Por edhe nënat e brezit të dytë, nënat e të cilave kishin kaluar depresion gjatë shtatzënisë, janë mbi trefish të rrezikuara nga depresioni i shtatzënisë”, thotë studimi. Ai shton se këto gjetje kanë nxjerrë në pah nevojën e mbështetjes për gratë e reja shtatzëna për të minimizuar shanset e depresionit dhe efektet e tij mbi nënat, fëmijët e tyre dhe brezat e ardhshëm.
Për të arritur në këto përfundime, autorët analizuan të dhënat nga ALSAC (Studimi gjatësor i Prindërve dhe Fëmijëve).
Ky studim u zhvillua te gratë shtatzëna që jetojnë në Jugperëndim të Anglisë. Ato janë rekrutuar në periudhën 1990-1992 dhe të ndjekura që nga ajo kohë (brezi i parë). Brezi i dytë, përfshin pasardhëset femra të nënave origjinare, si dhe partneren e pasardhësit mashkull. Mosha në të dyja grupet ishte 19-24 vjeç.
“Në total, kanë qenë 2390 shtatzëni në brezin e parë të nënave, fëmijët e të cilave kanë lindur në periudhën 1990-1992 dhe 180 shtatzëni në brezin e dytë të shtatzënave që kanë lindur në periudhën 2012-2016,” shkruajnë kërkuesit. Depresioni i nënës është matur para lindjes, sipas një shkalle nga 0 në 30. Një ulje prej 13 ose më shumë tregonte prania e një gjendjeje shpirtërore depresive. Mes nënave të brezit të parë, 17% kanë patur një rezultat prej 13 ose më shumë. Në nënat e brezit të dytë ishte 25%.
“Stresi kronik, privimi i gjumit, zakonet ushqimore, stili sedentar i jetës dhe ritmi i jetës moderne, mund të kontribuojnë në përhapjen e depresionit mes të rinjve. Kjo me një ndikim që mund të amplifikohet nga shtatzënia në vazhdim”, përfundon Pearsoni.
JAMA Network Open. 2018. doi: 10.1001/jamanetworkopen.2018.0725
https://jamanetwork.com/journals/jamanetworkopen/fullarticle/2687389
Burimi: doktor33.al
