Shuplaka e Brigitte Macron ndaj Presidentit Emmanuel Macron gjatë vizitës në Vietnam, përveç se pushtoi titujt boterorë, ka marrë edhe vëmendjen e Presidentit amerikan Donald Trump.
Gjatë një konferencë me gazetarët në Zyrën Ovale, Trump dha një këshillë.
“Sigurohuni që dera të mbetet e mbyllur. Kjo nuk ishte e gjëja e duhur. Fola me të, ai është mirë. Ata janë mirë të dy. Dy njerëz që i njoh shumë mirë. Dhe, nuk e di se për çfarë bëhej fjalë në atë moment, por ju siguroj që janë mirë”.
Ngjarja ndodhi teksa çifti po bëhej gati të zbriste nga avioni pas uljes në Hanoi ku kreu i shtetit francez zhvilloi një turne 1-javor takimesh në vendet e Azisë Juglindore.
Sipas Presidentit francez, ai moment në rrjet është zmadhuar shumë.
Pamjet ishin filmuar nga reporterë të agjencisë prestigjioze të lajmeve Associated Press.
