Sekretari amerikan i Shtetit ka deklaruar se Donald Trump është i vetmi lider që mund të sjellë paqe në Ukrainë.
Teksa ka folur me gazetarët pas përfundimit të bisedimeve me homologun e tij rus Sergey Lavrov në Arabinë Saudite, Marco Rubio tha se objektivi i negociatave të ardhshme ishte të siguronin një paqe për Ukrainën që të ishte “e drejtë, e qëndrueshme dhe e pranueshme për të gjitha palët e përfshira”.
Rubio sugjeroi se disa nga sanksionet aktuale ekonomike kundër Rusisë mund të hiqen si pjesë e një zgjidhjeje paqeje.
Megjithatë, ai paralajmëroi se do të duhej të kishte ” lëshime të bëra nga të gjitha palët”, duke shtuar: “Ne nuk do të paracaktojmë se cilat janë ato”.
Sekretari i shtetit paralajmëroi gjithashtu se “mbetet shumë punë përpara se të kemi një rezultat.”
Ai tha se qëllimi i takimit të sotëm ishte “krijimi i linjave të komunikimit” pas një periudhe të gjatë heshtjeje midis Uashingtonit dhe Moskës.
Rubio tha se kjo do të përfshinte rivendosjen e misioneve diplomatike në të dy qytetet, duke përfshirë rivendosjen e personelit të ambasadës dhe emërimin e ekipeve të “nivelit të lartë” për të negociuar një marrëveshje paqeje.
Ai shtoi se ishte “i bindur” se Rusia ishte “e gatshme të fillonte të angazhohej në një proces serioz” për t’i dhënë fund luftës.
