Donald Trump nuk ngurron të kthejë përgjigje në Twitter për çdokënd që e sulmon me deklarata. Ai ka një përgjigje për të gjithë, shpesh edhe ofenduese. Por ai është i famshëm në Twitter jo vetëm për statuset e tij, por edhe për bllokimet që i bën llogarive të ndryshme.
Ai ka bllokuar aq shumë njerëz sa një gjykatës federal e ka urdhëruar t’i zhbllokojë dhe t’i japë sërish akses në faqen e tij për ta ndjekur, komentuar e kritikuar. Por “prepotenti” i Twitter-it s’ka ndërmend ta bëjë këtë.
Përveç personazheve të shumtë publikë që ka bllokuar, si Chrissy Teigen, Trump mesa duket nuk ka duruar dot edhe prezencën e një maceje në profilin e tij.
I really hope that the history books remember to note that this President was so weak and so insecure that he blocked a cat on Twitter. pic.twitter.com/qKryTwdPpF
— A Cat Named Bitches (@BitchestheCat) August 18, 2018
“Shpresoj që librat e historisë të mos harrojnë të fusin në tekstet e tyre faktin që Presidenti është aq i dobët dhe i pasigurtë, sa bllokoi një mace në Twitter,” –shkruan llogaria A Cat Named Bitches, që e ka shoqëruar statusin edhe me një screenshoot ku vërteton se Trump e ka bllokuar./Opinion.al
