Prokuroria për Krimet e Rënda ka njoftuar pushimin e çështjes ndaj Vladimir Gjutës dhe Baftjar Brukës, të dyshuarit kryesor për vënien e tritolit në farmacinë e babait të Ministrit të Brendshëm, Saimir Tahiri.
Prokuroria mësohet se i ka nisur një letër burgut të Elbasanit ku kërkohet lirimi i dy të arrestuarve. Pushimi i çështjes vjen për shkak të mungesës së provave.
Pak kohë më para Gjykata e Krimeve të Rënda ndryshoi masën e sigurisë edhe për arrestuarit e tjerë, Lumjan Matmuja, për të cilin vendosi detyrim paraqitje, ndërsa la të lirë Emirjon Gjutën.
Vladimir Gjuta, u arrestuar në Qershor të 2015 -ës në tunelin e Kalimashit, ndërsa Baftjar Bruka në Suedi. Ky i fundit u ekstradua drejt Shqipërisë në Janar të 2016 -ës.
