Tre persona janë shoqëruar nga policia lidhur me ngjarjen e ndodhur mbrëmjen e djeshme në Vlorë, ku një sasi tritoli shpërtheu në një automjet të parkuar.
Sipas “A2”, policia ende nuk e ka një pistë hetimi pasi automjeti qëndronte prej kohësh i parkuar dhe pronari ndodhej jashtë vendit.
Mësohet se po bëhet këqyrja kamera e sigurisë, për të kuptuar kohen se kur është vendosur sasia e lëndës plasëse në makinë. Ndërsa deri më tani bëhet e ditur se sasia e tritolit të vendosur në automjet ishte e vogël, rreth 150 gramë.
Pronari i automjetit rezulton të jetë shtetasi Bernard Sinomati, një emër ky i njohur për policinë. Në vitin 2015, ai është arrestuar në Vlorë për armëmbajtje pa leje, ndërsa rezulton i dënuar në Belgjikë, ku nga burgu ka dalë një vit më parë. Aktualisht, ai jeton jashtë Shqipërisë.
Benard Sinomati është vëllai i Sokol Sinomati, anëtar i bandës së Gaxhait, i njohur me nofkën “Buzderri” dhe i akuzuar për kryerjen e veprave penale “Krijim i bandës së armatosur” dhe “Kryerje e krimeve nga bandat e armatosura”.
