Kurrë nuk e la atë për një moment, ajo ishte gjithmonë pranë të dashurit të saj. Që kur Blake Ward, 16 vjeç, u shpëtua në kushte të dëshpëruara, nga ekipet e shpëtimit në det në brigjet e Tywyn, Uells (Britania e Madhe), derisa mjekët njoftuan se për të nuk mund të bëhej dot më gjë, Stephanie Ray, 15 vjeçe, ka qenë gjithmonë atje dhe kurrë nuk e ka lënë vetëm. Vajza donte të kalonte me të dashurin e saj edhe momentet e fundit të jetës së tij: ajo ishte shtrirë pranë tij në shtratin e “Alder Hej Children Hospital” në Liverpul dhe qëndroi pranë tij derisa mjekët i stakuan aparatin që e mbante në jetë. Fotografia, e marrë nga të afërmit e djalit, është bërë virale në rrjet.
“Sot ishte dita më e vështirë e jetës sime, një ditë nuk do ta harroj kurrë, kam qenë me Blakën përreth kësaj kohe dhe kurrë nuk e kam lënë atë. Dje na u tha se nuk do të zgjohet më dhe ne morëm vendimin e vështirë për ta fikur makinën që e mbante në jetë dhe e lamë të shkojë… Ai nuk ndjeu asnjë dhimbje dhe vdiq i rrethuar nga dashuria e familjes së tij, gjithmonë do të më mungojë dhe gjithmonë do të kem një vend të veçantë në zemrën time për të. Unë kurrë nuk do ta harroj Blake, fluturo lart djalë i vogël. Do të të bëj krenar. Unë të dua dhe unë do ta bëj gjithmonë”, – shkroi vajza në mediat sociale.
Adoleshenti u tërhoq nga valët e detit, ndërsa ishte duke notuar në brigjet uellsiane. Ekipet e shpëtimit e nxorën pas disa orësh nga deti në gjendje kritike dhe e dërguan në spital, ku qëndronte në jetë falë aparaturave. Për një javë, Stephanie dhe familja e të resë, shpresuan se mund të bëhej më mirë, por mjekët ishin kategorikë: dëme në tru ishin mjaft të rënda. Dhe kështu, prindërit e 16-vjeçarit, morën vendimin e vështirë për t’i fikur aparaturat që e mbanin në jetë, por jo përpara përqafimit të fundit të Stephanie.
