Në një konferencë për mediat kreu i Partisë Demokratike ka bërë një denoncim në lidhje me zgjedhjet. Ai ka denoncuar në situatë që ka ndodhur në fshatin Pekisht ku një vëzhguesi të PS i janë gjetur materiale zgjedhore.
Kreu i PD-se, Sali Berisha deklaroi sot se në një bar-kafe në pronësi të kryeplakut Dervish Beqiri, janë gjetur materiale zgjedhore dhe shuma të konsiderueshme parash.
Sipas Berishës, informacioni i është përcjellë mbrëmjen e djeshme deputetit të ardhshëm të Elbasanit, Blendi Himci, i cili sot në mëngjes ka shkuar në ambientet e lokalit dhe ka gjetur aty fletë votimi, lista votuesish dhe materiale të tjera zgjedhore, në një vend të dyshuar si pjesë e asaj që Berisha e quajti “treni bullgar”.
“Treni bullgar mbeti në stacionin e Pekishtit. Doli nga shinat dhe mbeti aty,” u shpreh Berisha, duke iu referuar një praktike të njohur për manipulimin e votave.
“Pas një informacioni që deputeti i Elbasanit, Blendi Himçi ishte në fshatin Pekisht në bar kafenë e kryeplakut të fshatit Dervish Beqiri, vëzhgues besnik i PS, ndodheshin sasi e mjaftueshme e materialeve të votimit dhe narko euro. Sot në mëngjes zoti Himçi shkoi në bar kafenë e Dervish Beqirit dhe u gjet i gjithë materiali zgjedhor që po e paraqesim tani para jush”, tha Berisha.
Berisha theksoi se ngjarja është e ngjashme me raste të tjera të denoncuara më herët në zona si Kashari dhe Astriti, ku sipas tij, funksiononin “qendra alternative votimi” të ngritura paralelisht me qendrat zyrtare.
