Një grua e cila zbuloi se kishte vetëm pak muaj jetë pasi solli në jetë fëmijën të cilin iu deshën tre vjet për të ngjizur, humbi jetën një formë agresive kanceri duke lënë pas të birin dhe bashkëshortin.
Rebecca Hyndman, nga Auckland, Zelandë e Re, e humbi betejën e saj me sëmundjen e tmerrshme mëngjesin e sotëm, duke ikur nga kjo botë paqësisht më bashkëshortin e saj në krah, 6 muaj pasi solli në jetë djalin e tyre Ben.
Ajo gjithmonë kishte ëndërruar të ishte nënë dhe për të arritur këtë kishte kaluar tre vjet me pengesa rraskapitëse, derisa mundi të mbante në krah të birin nëntorin e vitit të shkuar.
Rebecca pësoi dy aborte përpara se t’i nënshtrohej trajtimit të fertilitetit dhe të binte shtatzënë me Ben. Pak pas lindjes, nisi të kishte të përziera dhe më vonë vuri re një gungë në stomakun e saj.
Ajo u diagnostikua me tumor në stomak, shkaku i tretë më i zakonshëm i vdekjeve të lidhura me kancerin në botë. Mjekët i thanë asaj se kishte vetëm pak muaj jetë.
Në mediat sociale është hapur një faqe për të mbledhur fonde për nënën ‘frymëzuese’, e cila dëshironte që të kishte mundësi të ndihmonte familjen e saj edhe pas vdekjes së saj.
Qindra dhurues zemërgjerë arritën të mbledhin shumën e jashtëzakonshme prej 113,412.21 dollarësh, për t’u siguruar se Ben do të mund të kujdesej për veten kur ajo të ikte nga kjo botë.
