Tre të rinj aksidentohen në Bilisht, po ktheheshin në shtëpi pas festës me shokët

Një aksident i rëndë ndodhi gjatë natës në hyrje të qytetit të Bilishtit. Drejtuesi i një mjeti tip “Benz” ka humbur kontrollin e mjetit dhe ka dalë nga rruga. Për pasojë ka marrë dëmtime drejtuesi, si edhe dy pasagjere në mjet, të cilët u transportuan në Spitalin e Korçës për të marrë ndihmë mjekësore. Të tre të plagosurit janë të moshës 22 vjeçare nga Cangoj i Devollit. Ata kishin qëndruar me një grup shokësh në një lokal dhe aksidenti u ndodhi rrugës për në shtëpi. Sipas policisë dy nga të rinjtë janë në gjendje të rëndë në reanimacion. Policia po punon për zbardhjen e plote të shkaqeve të ngjarjes.