Përditësuar/ Tre persona kanë mbetur të plagosur, sonte, në Vlorë si pasojë e një sulmi me armë zjarri në një lokal, pranë Gjykatës së këtij qyteti.
Policia e Vlorës ka bërë me dije se ka identifikuar autorin e sulmit dhe është në ndjekje për kapjen e tij.
Të plagosurit janë shtetasit M.SH 20 vjeç, Zh.Sh 24 vjeç dhe F.K 18 vjeç, dy nga të cilët plagosur në këmbë dhe një në krahë.
Mësohet se autori i sulmit është afruar pranë lokalit dhe ka qëlluar me armë zjarri, duke lënë të plagosur tre persona dhe më pas është larguar menjëherë nga vendngjarja.
Tre të plagosurit janë transportuar për të marrë ndihmën mjekësore të specializuar, ndërsa bëhet me dije, se ndodhen jashtë rrezikut për jetën.
