Tre persona kanë grabitur me armë gjatë natës një makinë në aksin rrugor Krujë-Fushë Krujë.
Mësohet se grabitësit e maskuar i kanë dalë para automjetit, duke e kërcënuar nën presionin e armës drejtuesin me iniciale A.H.
Menjëherë pas ngjarjes, drejtuesi i automjetit, ka bërë denoncimin në polici.
Burimet nga policia, thanë se tre persona me maska dhe të armatosur i kanë dalë para një automjeti rreth orës 00:30 dhe i kanë marrë makinën.
Ndërkaq, forca të shumta policie kanë shkuar menjëherë në vendngjarje, ndërsa janë ngritur edhe pika të shumta kontrolli për kapjen e tyre.
Deri tani nuk ka asnjë të dhënë për identifikimin e autorëve.
