Ndarja me një person nuk përjetohet gjithmonë njësoj nga të dyja palët. Është gjithmonë njëri prej parterëve i cili vuan më shumë dhe përpiqet për t’u rikthyer. Por edhe gjatë fazës kur tentoni ta riktheni ish parterin në jetën tuaj, shpesh zgjidhni metodat e gabuara. Nëse vërtet e dëshironi një rikthim, pavarësisht faji i kujt mund të jetë për ndarjen, atëherë bëni mirë t’i hidhni një sy mesazheve të cilat nuk duhet t’i dërgoni partnerit, dhe më pas ato që duhet t’i dërgoni:
Çfarë mesazhesh nuk duhet të dërgoni kurrë:
1 – Mesazhe kur flisni për marrëdhënien tuaj – Të sqaroni marrëdhënien nëpërmjet një mesazhi është gjëja më e gabuar që mund të bëni. Nëse keni qenë së bashku për një kohë të gjatë, është e njëjta gjë si të mësoni me mesazh për vdekjen e një personi të afërm. Me pak fjalë tingëllon keq. Bëjeni këtë bisedë përballë.
2 – Mos dërgoni mesazhe ku silleni të dëshpëruar – Gjëja më e gabuar që mund të bëni gjatë një tentative rikthimi, është të silleni si i dëshpëruar. Nëse personi e kupton që ju jeni shumë të dëshpëruar atëherë i jepni idenë se po mban kartat e lojës në dorë. Kështu automatikisht ka të drejtën të bëjë çtë dojë me ju. Kjo nuk është ajo që doni, ndaj hiqni dorë nga tektet depresive.
3 – Mos dërgoni mesazhe ku fajsoni ish partnerin – Sigurisht që fundi i një marrëdhënie ka ardhur si pasojë e gabimeve që ju dhe ish partneri/ja keni bërë bashkë. Sigurisht që nuk mund ta mbani fajin të vetëm mbi shpatulla, por gjithsesi të dërgosh mesazhe fajësuese nuk do e përmirësonte situatën. Fajsimi është një mesazh agresiv, negativ dhe thjesht sjell acarime.
Mesazhet që duhet të dërgoni
1 – Mbajini gjërat të rastësishme – Dërgoni mesazhe ku e pyesni si është, apo si ka kaluar. Pyeteni për diçka komplet të rastësishme jashtë kornizave të seriozes. Kjo i heq peshën e presionit dhe e bën më të thjeshtë komunikimin. Gjithashtu i jepni edhe idenë se nuk keni aq shumë nevojë për të, dhe çdo natyrë njerëzore i do gjërat më shumë kur nuk i ka.
2 – Tregojini se keni ndryshuar – Është e vështirë t’i tregoni një personi se keni ndryshuar me anë të një mesazhi. Gjithësesi nuk është e pamundur. Sigurohuni ti tregoni gjërat të cilat nuk kanë lidhje me arsyen për të cilën jeni ndarë.
3 – Ftojeni për një kafe – Pasi keni filluar të flisni, pas disa kohësh bëjini një ftesë për një kafe. Sigurohuni mos të ketë tone serioze dhe pa imponim. Formulojeni tekstin njësoj sikur po ftoni një mikun tuaj./Opinion.al
