Tre gazetarë që akuzoheshin se kishin lidhje me grushtin e shtetit të organizuar në vitin 2016 në Turqi, i kanë shpëtuar dënimit me burgim të përjetshëm.
Gjykata e Lartë i ka shfajësuar ata nga disa akuza dhe e ka kthyer çështjen për rishqyrtim në një shkallë më të ulët.
Gazetarët akuzoheshin gjithashtu se kishin lidhje me klerikun Fetullah Gylen, i akuzuar si organizator i grushtit të shtetit kundër presidentit Erdogan.
Gazetarët që u shfajësuan nga Gjykata turke janë dy vlezërit Mehmet Altan, Ahmet Altan dhe kolegun e tyre Nazli Iliçak.
Tashmë pritet që një gjykatë e nivelit më të ulët të rishqyrtojë çështjen ndaj të tre gazetarëve pas këtij vendimi.
Ndërkohë, mbi 77 mijë persona u burgosën në ofensivën që nisi pas grushtit të shtetit, pjesa dërrmuese e të cilëve janë në pritje të gjykimit, ndërsa ende priten arrestime të tjera./Opinion.al E.Xh.
