Prokurorët francezë kanë hapur një hetim për vdekjen e një 27-vjeçari gjatë trazirave në Marsejë.
27-vjeçari u godit nga një predhë “flash-ball” në kohën e trazirave në qytet të shtunën, tha të martën zyra e prokurorit të Marsejës.
Trazirat nisën pas vrasjes së 17-vjeçarit Nahel Merzouk gjatë një ndalimi nga policia në periferi të Parisit, javën e kaluar.
Prokurorët thanë se shkaku i vdekjes së 27-vjeçarit në Marsejë ishte një arrest kardiak, i shkaktuar nga një goditje në gjoks, nga një plumb gome, i përdorur nga policia gjatë trazirave.
Megjithatë, ata nuk specifikuan se kush qëlloi ose zotëronte armën “flash-ball” – e cila është projektuar të jetë jo vdekjeprurëse.
Prokurorët thanë se nuk ishte e mundur të përcaktohej se ku ishte viktima apo nëse ai kishte marrë pjesë në trazirat kur u qëllua.
Ai vdiq brenda natës nga 1 korriku deri në 2 korrik – kur rreth 45,000 policë ishin në rrugë me njësi të specializuara elitare, automjete të blinduara dhe helikopterë të sjellë për të përforcuar tre qytetet më të mëdha të Francës, Parisin, Lionin dhe Marsejën.
Në Marsejë, policia hodhi gaz lotsjellës dhe zhvilloi beteja në rrugë me të rinjtë rreth qendrës së qytetit deri në orët e vona të natës.
Rreth 2,400 njerëz janë arrestuar që nga fillimi i përleshjeve të martën e kaluar./Opinion.al
