Një shqiptar është arrestuar dje nga policia italiane në Prato afër një qendre tregtare.
39vjeçari u arrestua me akuzën e trafikimit ndërkombëtar të drogës nga karabinierët e Firences, pasi iu gjend në kamion më shumë se 20 kg marijuanë.
Në momentin që policët ndërhynë, shqiptari po fliste në telefon me dikë që dyshohet se do të ishte personi që do të merrte lëndën narkotike. Policia italiane thotë se marijuana vjen nga Evropa Lindore dhe kishte si destinacion tregun e toskanës.
Shqiptari e kishte fshehur drogën në valixhe me rroba, ndërsa kamioni që ai drejtonte ishte me targa shqiptare.
