Një anije që transportonte automjete, është përmbysur në det ndërsa raportohet se 4 anëtarë të ekuipazhit janë të zhdukur.
“Golden Ray”, u përmbyt këtë të diel pranë portit Brunswick në Georgia ndërsa roja Bregdetare amerikane po zhvillon një operacion kërkimi për anëtarët e ekuipazhit, për të cilët ende nuk dihet asgjë.
Roja Bregdetare ka bërë të ditur se është njoftuar rreth orës dy të mëngjesit të së dielës në lidhje me rastin dhe ka arritur të shpëtojë 19 anëtarë të ekuipazhit, ndërsa kërkimet vazhdojnë për katër të tjerët.
Sipas autoriteteve shkaqet e përmbysjes janë të paqarta, ndërsa nuk përjashtohen kushtet e këqija të motit, ndërsa pas ngjarjes së rëndë, porti i Brunswick është mbyllur./Opinion.al
