Transportonin me kamion, bagëti të imëta të kontrabanduara, vihen në pranga 3 shtetas. Shpallet në kërkim bashkëpunëtori i tyre.
Policia bën me dije se si rezultat i një pune hetimore prej 3-muajsh, në drejtimin e Prokurorisë, organizuan dhe finalizuan me sukses operacionin policor të koduar “Rruga e fundit”, si rezultat i të cilit u vunë në pranga shtetasit:
– Petrit Isufi, 53 vjeç, banues në Konispol;
– Rabani Myrtaj., 39 vjeç, banues në fshatin Karjan, Gjirokastër,
– Kliest Nika, 32 vjeç, banues në Sarandë, veteriner.
Gjithashtu, u shpall në kërkim shtetasi J. H., 25 vjeç, banues në Valare, Gjirokastër.
Petrit Isufi u arrestua pasi është kapur në flagrancë nga shërbimet e Policisë, në aksin rrugor “Kardhiq-Gjirokastër”, në vendin e quajtur “Viroi”, duke drejtuar automjetin tip kamion, brenda të cilit u gjetën dhe u sekuestruan bagëti të imta të kontrabanduara nga shteti grek, dyshohet në bashkëpunim me shtetasit Rabian Myrtaj dhe J. H.
Nga veprimet hetimore dyshohet se shtetasi Kliest Nika, me profesion veteriner, kishte ndihmuar këta shtetas për kontrabandimin, duke falsifikuar certifikatën veterinare të transportit të bagëtive të imëta.
Në cilësinë e provës materiale u sekuestruan 141 bagëti të imta, kamioni me të cilin po transportoheshin dhe 3 celularë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprat penale “Kontrabanda me mallra të tjera” dhe “Falsifikimi i dokumenteve”.
